کندهار ښاروالۍ په لسمه ناحيه، اول ګذر کښي د څلورو کوڅو د رغولو چاري راپيل کړي دي!
دوشنبه ۲ / ۱۱ / ۱۴۰۲ ه ش کال
کندهار ښاروالۍ داځل د ښار په لسمه ناحيه، اول ګذر کښي د څلور کوڅو د کانګریټ کولو چاري په اساسي توګه راپیل کړي دي.
دغه کوڅې چي تقريباً ۷۱۰ متر اوږدوالۍ او ۹ متره بردوالۍ لري، درې نيمي مياشتي مخکي يې د رغولو چاري راپيل سوي دي او پاته کارونه به يې د يوې مياشتي په موده کښي بشپړ سي.
په دغه رغنيزه پروژه کښي هره ورځ ۷۵ کسانو ته د کار کولو زمينه برابره سوې ده چي ۱۰کسان په مسلکي ډول او ۶۵ کسان په غيري مسلکي ډول کار کوي.
د همدغه کوڅو په رغولو سره د يادي سيمي خلګو زياته خوښي وښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ د ويب سايټ مديريت
