کندهار ښاروالۍ په لسمه ناحيه، څلورم ګذر کښي د درو کوڅو د کانګرېټ کولو چاري راپيل کړي دي!
پنج شنبه ۵ / ۱۱ / ۱۴۰۲ ه ش کال
کندهار ښاروالۍ د خپلو انکشافي او پر مختیايي فعالېتونو په لړ کښي داځل د ښار په لسمه ناحيه، څلورم ګذر کښي د درو کوڅو د کانګرېټ کولو چاري په اساسي او بنسټیزه توګه راپیل کړي دي.
دغه کوڅې چي تقريباً ۷۵۳ متره اوږدوالۍ او ۱۰ متره بردوالۍ لري، دوې مياشتي مخکي يې د رغولو چاري راپيل سوي دي او پاته کارونه به ئې د لسو ورځو په جریان کښي بشپړ سي.
په دغه رغنيزه پروژه کښي هره ورځ ۱۰۰ کسانو ته د کار کولو زمينه برابره سوې ده چي ۱۰کسان په مسلکي ډول او ۹۰ کسان په غيري مسلکي ډول په کار کولو بوخت دي.
د همدغه کوڅو په رغولو سره د يادي سيمي خلګو زياته خوښي وښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ
د ويب سايټ مديريت
