په کندهار ښاروالۍ کښي د جنوبي زون ښاروالیو مالي مدیرانو ته د افمس په اړه د عامه پوهاوي دوه ورځنی ورکشاپ پيل سو!
د کندهار ښاروالۍ د غونډو په تالار کښي د افمس (د مالي مدیریت واحد سیستم) په اړه د عامه پوهاوي او عملي زده کړي دوه ورځنئ ورکشاپ جوړ سو.
په دغه روزنیز ورکشاپ کښي د ښاروالیو چارو لوی ریاست د پلاوو په ګډون په کښي د کندهار ښاروالۍ د عوایدو د برخي آمرینو، مدیرانو، د قلات ، لښکرګاه او ترینکوټ ولسواليو مالي مدیرانو برخه اخیستې وه.
په دغه روزنیز ورکشاپ کښي راغلو پلاوو ټولو ګډونوالو ته د افمس سیستم په اړه برابر سوي معلومات وړاندي کړل.
له افمس یا (د مالي مدیریت واحد سیستم) له لاري د عوایدو په برخه کښي مؤثریت، شفافیت، ارزیابي او نظارت ترڅنګ د کورونو د صفائي فورمه ، د دوکانونو د صفائي فورمه او د ملکېتونو جوازونه به له همدې سیسټم له لاري مدیریت کیږي او ددې سیستم د فعاليدو سره به د ښاروالیو پر ښاري فعالیتونو، د همکارانو پر دفتري کارونو او په لا شفافیت کښي نور هم د پام وړ مثبت بدلون راسي.
همداراز د ننۍ لومړنۍ ورځي په دې ورکشاپ کښي راغلو ښاروالیو مالي مسؤلینو د مرکز له مسؤلینو سره د موضوع مطابق خپلي پوښتني او وړاندیزونه هم شریک کړل.
په درنښت
د کندهار ښاروالۍ
د ويب سايټ مديريت
