د کندهار ښار په پنځلس ( ۱۵ ) ناحيوو کښي د کثافاتو د ټولولو او انتقالولو اشر دوام لري!
د کندهار ښاروالۍ اړوند د تنظيف عمومي مديريت د ښار د پنځلسو ناحيوو د تنظيف کاريګرو په ملتيا يوه هفته مخکي د کثافاتو د ټولولو او انتقالولو چاري د اشر په شکل راپيل کړي دي چي په نتېجه کښي يې هره ورځ په لسهاوو موټره کثافات د ښار د ناحيوو څخه ايستل کيږي.
ددې اشر په ترسره کولو سره به د ښار ټولي ناحيې په مکمل ډول د کثافاتو څخه پاکي سي.
ګرانو هيواد والو!
ستاسو څخه هم په ډېر درنښت غوښتنه کوو چي د خپل ښار په پاکولو او پاک ساتلو کي د کندهار ښاروالۍ سره مرسته وکړئ.
