د کندهار ښار په پنځلسو (۱۵) ناحیو کي د زرغون چاپيريال ساتني او پالني کارونه په منظم ډول جريان لري!
کندهار ښاروالۍ د ښاري ښکلا او زرغونو سیمو د پراختیا په موخه په ښار کي د هوا ککړتیا او د مختلفو ساري ناروغیو د مخنیوي په خاطر د زرغون چاپیریال ساتني او پالني چاري په معیاري توګه راپيل کړي دي.
د کندهار ښاروالۍ اړوند د سرسبزۍ امريت تل هڅه کوي، چي په ښار کي ښاري ښکلا او سمسورتیا ته وده ورکړي، چي اوس مهال د یاد امريت لخوا د سرسبزۍ د ساتني او روزلو په موخه د مختلفو نهالانو،ګلانو، چمنونو، ګلدانونو او زینتي ګلانو د اوبولو او روزلو چاري په دوامداره توګه د یو منظم پلان له مخي جریان لري.
همدارنګه هغه ساحې چي ښکلا او سمسورتیا ته اړتیا لري؛ د ښاریانو په مرسته به یو په بل پسي په معیاري او اساسي توګه ښکلي او زرغونې سي.
