د کندهار ښاروالي تنظيفاتي چاري د ښار په ټولو ناحيوو کښي په منظم ډول جريان لري!
د کندهار ښار په ټولو ناحيو کښي د کثافاتو راټولېدو چاري په دوامداره توګه د یوه منظم پلان له مخي ترسره کیږي.
د کندهار ښاروالۍ اړوند د تنظیف عمومي مدیریت له لوري د تیرو دوو اونیو په جریان کي د ښار له بیلابیلو ساحو څخه (۱۱۰۸۸) متره مکعب کثافات راټول او تر ټاکل سوي ځای پوري لېږدول سوي دي.
په همدې موده کي د یاد مدیریت کاري پرسونل له خوا د ښار د پاکارۍ په برخه کي د (۱۷) کیلو متره چرۍ او (۲۶) کیلومتره سړکانو جارو کښي ترسره سوې ده.
ددې ترڅنګ د کندهار ښاروالۍ تنظیفاتي پرسونل له خوا (۱،۷) کیلو متره د ښار د پاتابونو پاکاري هم ترسره سوې ده.
درنو ښاریانو!
د خپل شاوخوا کثافات په ټاکل سویو ځاینو کي واچوي، ترڅو زموږ تنظیفي پرسونل ورته پر وخت سره رسیدګي وکړي.
پاکي او نظافت د ایمان یوه برخه ده، اړینه ده، چي ټول دیني لارښونو او ټولنیزو اخلاقو ته په کتو په دې برخه کې خپله ونډه اداء کړو، ترڅو د یوه پاک او زرغون ښار شاهدان واوسو.
