کندهار ښار کي د پنجوايي دراهي سړک د پراخولو په موخه د تخريب چاري جريان لري!
کندهار ښاروالي غواړي چي د پنجوايي دراهي سړک د ۴۰ متره په بردوالي سره جوړ کړي.
د همدې سړک د پراخولو په مسير کي چي کومي موانع پرتې دي د کندهار ښاروالۍ تر خبرتيا ورکولو وروسته دسيمي خلګو په خپل خوښه د تخريب چاري راپيل کړي دي، چي تر دې مهاله يې ۸۰ سلنه کارونه بشپړسوي دي او د تخريب پاته کارونه به ژر بشپړسي او د همدې سړک ساختماني چاري به هم ډېر ژر راپيل سي.
د يادوني وړده چي دا سړک د عمومي ډامبر څخه شروع د يو کيلومتر په اوږدوالی سره په اساسي او معياري ډول د ۴۰ متره په پلنوالي سره رغول کيږي.
دا چي د ذکر سوي سړک عرض ډېر کم وو او د ډېر زيات رش په خاطر يې د سيمي خلګ او ددې لاري تلونکي کسان له ډېر مشکل سره مخ کړي وه اوس يې په پراخولو او رغولو سره د سيمي خلګو او ددې لاري تلونکو کسانو زياته خوښي وښودل او دکندهار ښاروالۍ څخه ئې ځانګړې مننه وکړل.
