په کندهار ښاروالي کي د تدارکاتي، محاسبوي، کنټرول او مالي چارو اړوند یو ورځنی معلوماتي سمینار وړاندي سو.
دکندهار ښاروالۍ د غونډو په تالار کي د کندهار ښاروالۍ مرستیال مفتي قدرت الله الوصال په شمول د محاسبې، تدارکاتو، نظارت او ارزیابۍ، تخنیکي او ساختماني چارو مسؤلینو لپاره د تدارکاتي امورو، محاسبوي چارو، کنټرول او نظارتي فعالېتونو اړوند یو ورځنی معلوماتي سمینار وړاندي سو.
د سمینار د پېل په وینا کي مرستیال ښاروال مفتي قدرت الله الوصال ګډون والو ته څرګنده کړه، چي دغه معلوماتي سمینار به د کارونو د لا ښه پرمختګ، پر امورو او اصولو د لا ښه پوهېدو او دکارونو د ځنډ او خنډ د مخنیوي په برخه کي ډیري اسانتیاوي رامنځته کړي.
ورپسې، ټولو راغلو تخنیکي او اداري کسانو ته په بېلا بېلو موضوعاتو لکه د تدارکاتي امورو دسرته رسولو طرزالعمل، د تدارکاتو مراحل، د نظارت پروسې او فورمونو په اړه تفصیلي معلومات وړاندي سول.
د سمینار په وروستیو کي د وړاندي سوو موضوعاتو اړوند پوښتني او وړاندیزونه هم شریک سول
