کندهار ښار په ديارلسمه ناحيه کي ديوکانال او سړک د رغولو چاري ۹۸ سلنه بشپړي سوي دي.
کندهار ښاروالي د دیارلسمي ناحیې، دریم ګذر په میرزا احمد خان کلاچه کي د کانال او سړک د رغولو چاري پیل کړي دي.
دغه کانال تقريبا ۳۳۷ متره اوږدوالی، دوه نيم متره بردوالی او دوه متره جګوالی لري او سړک چي له کانال سره هممهاله رغول کیږي تقريبا ۱۳۹ متره اوږدوالی او څلور متره بردوالی لري او په څنګ کي ۱۳۹ متره چرۍ هم په اساسي ډول رغول کيږي.
د دغه پروژې رغنیزي چاري تر دې مهاله ۹۸ سلنه پای ته رسېدلي دي او ټاکل سوې ده، چي د همدې اونۍ په جریان کي د ګټي اخیستني لپاره وسپارل سي.
په ياده پروژه کي اوس مهال ۸۰ کسانو ته دکار کولو زمينه برابره سوې ده چي ۸ کسان په مسلکي ډول او ۷۲ کسان په غيري مسلکي ډول کار کوي.
د همدې پروژې په تطبيق کولو سره دسيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
