د کندهار ښار په دريمه ناحيه کي ديوې کوڅې کانګريټ کولو چاري پيل سوي دي
کندهار ښاروالۍ دخپلو انکشافي کارونو په لړ کي داځل دښار په دريمه ناحيه، د ملايانو په کلي کي د يوې کوڅې کانګريټ کولو چاري پيل کړي دي.
دا کوڅه چي تقريبا ۱۴۰ متره اوږدوالی او ۷ متره پلنوالی لري يوه هفته مخکي يې رغنيزي چاري پيل سوي دي او پاته کارونه به يې هم ديوې هفتې په موده کي بشپړ سي.
ددې کوڅو په رغولو کي هره ورځ ۲۰ کسانو ته د کار کولو زمينه برابره سوې ده ۵ کسان په مسلکي توګه او ۱۵ کسان په غيري مسلکي توګه په کار کولو بوخت دي.
د همدې کوڅو په رغولو د سيمي خلګو زياته خوښي وښودل او دکندهار ښاروالۍ ددې مهم ګام څخه ئې ځانګړې مننه وکړل.
