په دولسمه ناحیه اووم ګذر کي د ٣ کوڅو د اساسي رغوني چاري په چټکۍ سره جریان لري!
کندهار ښاروالۍ د خپلو پراخو انکشافي فعالېتونو په لړ کي داځل د ښار د دولسمي ناحیې اړوند په ۷ ګذر کي د ۳ کوڅو د اساسي جوړوني چاري پیل کړي دي.
یادي کوڅې چي په مجموعي توګه ۴۲۵ متره اوږدوالئ لري او ساحو ته په کتو سره د مختلفو عرضونو درلودونکي دي. دا مهال ئې د لېول کارۍ چاري رواني دي او تمه ده چي ډېر ژر به ئې د کانګریټ اچولو کارونه هم پیل سي.
د دغي پروژې رغنیزي چاري شاوخوا ۲ میاشتي مخکي شروع سوي او پاته کارونه به ئې د يوې میاشتي په موده کې بشپړ سي.
د یادونې وړ ده چي د دې پروژې له لاري دا مهال ۹۰ هېوادوالو ته په فني او غیري فني ډول د کارکولو زمینه برابره سوې ده.
ددې ترڅنګ د یادو کوڅو په رغولو سره د سیمي خلګو زیاته خوښي وښودل او د کندهار ښاروالۍ څخه یې ځانګړې مننه وکړل.
