د کندهار ښاروالۍ د ناحیو امرینو او تخنیکي انجینرانو لپاره د SDF ستراتیژیک پرمختیایي پلان پنځه ورځنی سمینار شروع سو !
ددې سمینار په لومړۍ ورځ به د SDF او پرمختیایي پلان عمومي معلومات تشریح سي او د ۲۱ مي پېړۍ پر ښاري پراختیا او د هغه پر ستراتیژي به معلومات وړاندي سي. دوهمه ورځ به د ټولني پر بشپړ جوړښت ګډونوالو ته معلومات وړاندي کړي، دریمه ورځ به د ښاري پراختیا پر تاریخي او کلتوري برخو، څلرمه ورځ به د ژوند دبقاء(کار) او زراعتي اقتصاد په اړه او پنځمه ورځ به د ښاري پلان او حکومتدارۍ په اړه معلومات ورکول کیږي.
دا سیمنار چی د کندهار ښاروالۍ د ظرفیت لوړوني مدیریت له لوري په لاره اچول سوی، پنځه ورځي به دوام وکړي چي د ښاري پراختیا د ټولو پروژو د پلان او تطبیق پر څرنګوالي به د سمینار ګډونوالو ته معلومات ورکوي.
