د یووالي او دوستۍ جام تر عنوان لاندي د کندهار ښاروالۍ کرکټ لوبډلي او کلات ښاروالۍ کرکټ لوبډلي...
د یووالي او دوستۍ جام تر عنوان لاندي د کندهار ښاروالۍ کرکټ لوبډلي او کلات ښاروالۍ کرکټ لوبډلي درې ورځنی سیریز لوبي د کندهار ښاروالۍ په ګټه پای ته ورسېدئ. د ښاروالیو معینیت او محلي ارګانونو ریاست په چوکاټ کي د ګاونډيو ولایتونو د ښاروالیو کرکټ لوبډلو تر منځ دا لوبي کولای سي د ورزش له لاري د یووالي مثبت پیغام وړاندي کړي . دا سیالۍ چي درې ورځي تر مخه په کندهار کرکټ لوبغالي کي راپیل سوې، چي لومړۍ، دوهمه او دریمه لوبه کندهار ښاروالۍ کرکټ لوبډلي وګټله او د یووالي او دوستۍ جام تر عنوان لاندي سیریز کپ هم پکښي کندهار ښاروالۍ لوبډلي ته ورکړل سو. کندهار ښاروالي ویاړ درلود چي په کندهار کي یې د یووالي او دوستۍ جام تر عنوان لاندي د کلات لوبډلي کوربتوب پر غاړه درلود.
