کندهار ښاروالۍ په دوهمه ۲ ناحیه، دریم (۳) ګذر کښي د یوې کوڅې د کانګريټ کولو چاري بشپړي کړې!
کندهار ښاروالۍ د خپلو روانو او پراخو انکشافي خدماتو په لړۍ کښي داځل په دوهمه (۲) ناحیه، دریم (۳) ګذر کښي د (۷۵۵) متره په اوږدوالي د یوې کوڅې د کانګريټ کولو چاري د دوو میاشتو په موده کښي په اساسي او معیاري توګه بشپړي کړي.
دا پرمختیا او انکشافي پروژه چي تمویل ئې د نړیوال بانک لخوا او د تطبیق چاري د ملګرو ملتونو د پروژو د خدمتونو دفتر یونپس (UNOPS) لخوا ترسره سوې.
په دې پروژه کښي (۱۳۰)کسانو ته د کارکولو زمینه برابره سوې وه.
د نوموړي پروژې د عملي کېدو سره سم د همدې سیمي اوسېدونکو د کندهار ښاروالۍ څخه زیاته مننه وکړل چي زموږ مشکلاتو ته په کتلو سره ياده کوڅه په اساسي ډول ورغول.
