د کندهار ښار په ۱۲ ناحيه، ۵ ګذر کښي د کوڅې کانګريټ کولو کار جريان لري!
دو شنبه ۸ / ۱۱ / ۱۴۰۲ ه ش کال
کندهار ښاروالۍ د خپلو پراخو انکشافي کارونو په لړ کښي داځل د ښار په ۱۲ ناحيه، ۵ ګذر کښي د (۲) چریو په شمول د یوې کوڅې د کانګریټ کولو چاري په اساسي توګه راپیل کړي دي.
دغه کوڅه چي تقريباً ۳۱۵ متره اوږدوالۍ، او ۸ متره بردوالۍ لري څو ورځي مخکي يې د رغولو چاري راپيل سوې او پاته کارونه به يې د څلور نيمو مياشتو په موده کښي بشپړ سي.
په دې ستره او رغنیزه پروژه کښي هره ورځ (۹۰) کسانو ته د کار کولو زمینه برابره سوې ده، چي (۸) کسان په مسلکي توګه او (۸۲) کسان په غیر مسلکي توګه په کار کولو بوخت دي.
د همدغي کوڅې او چریو په رغولو سره د يادي سيمي خلګو زياته خوښي و ښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ
د ويب سايټ مديريت
