کندهار ښاروالۍ په ۷ ناحيه، ۶ ګذر کښي د یوې کوڅې د جوړولو چاري راپیل کړي دي!
يکشنبه ۲۲ / ۱۱ / ۱۴۰۲ ه ش کال
کندهار ښاروالۍ د خپلو پرمختیايي او انکشافي فعالېتونو په لړ کښي داځل د ۷ ناحیې اړوند په ۶ ګذر کښي د یوې کوڅې د جوړولو چاري په اساسي توګه راپیل کړي دي.
یاده کوڅه چي اوس مهال ئې د کیندل کارۍ چاري رواني دي، تقریباً ۶۰۰ متره اوږدوالئ او ۹ متره بردوالئ لري، چي نهه ورځي مخکي ئې رغنیزي چاري راپیل سوي او پاته کارونه به ئې د ۳ میاشتو په موده کښي بشپړ سي.
په دغه بنسټیزه پروژه کښي اوس مهال ۶۵ کسانو ته د کار کولو زمینه برابره سوې ده، چي ۸ کسان ئې په مسلکي توګه او ۵۷ کسان په غیري مسلکي توګه په کار کولو بوخت دي.
ددغي کوڅې په جوړولو سره د سيمي خلګو زياته خوښي و ښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ
د ويب سايټ مديريت
