د کندهار ښاروالۍ د تنظیف کارونه د ښار په ټولو ناحيو کښي په منظم ډول جريان لري!
سه شنبه ۲۴ / ۱۱ / ۱۴۰۲ ه ش کال
د کندهار ښاروالۍ اړوند د تنظیف عمومي مدیریت له لوري د ښار د نورو ناحيو ترڅنګ دڅلورمي او لسمي ناحیو اړوند په بیلابیلو ګذرونو کښي د چریو د پاکارۍ او کثافاتو د انتقال چاري په خورا چټکۍ سره رواني دي.
د کندهار ښاروالۍ اړوند د تنظیف عمومي مدیريت تل هڅه کړې، چي د پاک چاپیریال په رامنځ ته کولو کښي د ښار و ټولو برخو ته پر وخت رسیده ګي وکړي؛ ترڅو چټل او خراب کثافات راټول او بیا د موټرو په توسط له ښاره لیري ټاکل سوو ځایونو ته انتقال کړي.
درنو ښاریانو!
پاکي او نظافت د ایمان یوه برخه ده، اړینه ده، چي ټول دیني لارښونو او ټولنیزو اخلاقو ته په کتو په دې برخه کښي خپله ونډه اداء کړو، څو د یوه پاک او زرغون ښار شاهدان و اوسو
په درنښت
د کندهار ښاروالۍ
د ويب سايټ مديريت
