کندهار ښاروالي په شپږمه ناحيه، اول ګذر، د پښتون باغ په سيمه کي د کوڅې کانګريټ کولو چاري راپيل کړې!
کندهار ښاروالۍ د ښاري ودي او پراختيا په برخه کي داځل د ښار په شپږمه ناحيه، اول ګذر، د پښتون باغ په سيمه کي د کوڅې کانګريټ کولو چاري راپيل کړې.
دغه کوڅه تقريباً ۳۵۰ متره اوږدوالی، ۷ متره بردوالۍ او دواړو طرفونو ته د ۶۰۰ متره چرۍ په لرلو سره په اساسي او معياري ډول رغول کيږي.
ياده رغنيزه پروژه چي اوس فعلاً يې کارونه راپيل سوه، ټولي رغنيزي چاري به يې د څلورو مياشتو څخه په کمه موده کي بشپړي سي.
په نوموړې پروژه کي هره ورځ ۹۵ کسانو ته د کار کولو زمينه برابره سوې ده چي ۷ کسان په مسلکي ډول او ۸۸ کسان په غيري مسلکي ډول په کار کولو بوخت دي.
د همدې کوڅې او چريو په جوړولو سره د همدې سيمي خلګو زياته خوښي وښودل او د کندهار ښاروالۍ څخه ئې ځانګړې مننه وکړل
