متوازن انکشاف بنسټیزي بیارغوني ته زمینه برابروي
کندهار ښاروالي د ښار د نهمي ناحیې اړوند په ۹ ګذر(کوتل) کي د ۴۳۰ متره اسفالټ سړک د ۸ متره په عرض باندی او ۱۵متره چرۍ او تر څنګ یې د همدې پروژې په دوام یو بل سړک چي ۲۰۵ متره سړک دی او ۱۳،۵عرض لري او یو پُل د ۱۸.۸۰ متره په طول ۱۴.۳۰متره په عرض او ۱.۵ متره په ارتفاع اساسي جوړوي.
تر څو د ښار د نورو برخو تر څنګ په همدې سېمه کي هم ښاریان د اساسي او بنسټیزو خدماتو څخه برخمن سي.
کندهار ښاروال انجنیر محمد رفیع حیات وایي د ښار بنسټيزي او پراختیایي برخي ته زیات متوجع دی تر څو د کندهار ښار په جوړوالي او پرمختګ کي معیاري بدلون راغلی وي.
کندهار ښاروال له ښاریانو څخه غوښتنه لري چي د ښاروالي روانو پروژو او معیاري خدماتو په چټکولو سره خپل صفایي ټکسونه او باقیات تحویل کړي دا ځکه ښاروالي یوه تصدي ده او خپل ټول امکانات د ښاریانو له عوایدو څخه پوره کوي.
