د کندهار ښار په اوومه ناحيه، دوهم ګذر کي ديوې کوڅې کانګریټ کولو چاري پیل سوې
کندهار ښاروالۍ دخپلو انکشافي فعالیتونو په دوام، د ښار د اوومي ناحیې په دوهم ګذر د يوې کوڅې د اساسي رغوني چاري پیل کړي دي.
دا کوڅه چي د ميربازار سړک د سيچپ له سړک سره وصل کوي، شاوخوا ۵۴۷ متره اوږدوالی او ۵ متره پلنوالی لري، چي د تخنیکي معیارونو له مخي به په اساسي ډول کانګریټ سي.
ددې کوڅې رغنیزي چاري شاوخوا دوې میاشي مخکي پیل سوي دي او پاته کارونه به يې د یوې میاشتي په موده کي بشپړ سي.
د همدې کوڅې د جوړېدو ترڅنګ د ۴۲۷ مترو په اوږدوالي سره چرۍ هم په اساسي ډول جوړیږي.
په دې انکشافي پروژه کي دا مهال ۹۲ کسانو ته د کار کولو زمينه برابره سوې ده.
د یادي کوڅې او چرۍ په جوړولو سره د سيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړه
