کندهار ښاروالۍ له لوري په اوومه ناحيه کښي د يوې پروژې بیا رغنيزي چاري رواني دي!
دغه «پیاده رو» چي پرمختیایي چاري یې د راتلوونکو درو میاشتو په حدودو کښي په بنسټيزه، معیاري او اساسي توګه سره سرته رسیږي په دغه پروژه کښي په مسلکي توګه سره (۸) او غیري مسلکي توګه سره(۱۱۰) تنو کاریګرو ته کاري فرصت پیداسوئ دی چي فعلاً ددې رغنيزي رواني پروژې پرمختيايي چاري (٪ ۲۰) تکميلي سوي دي، چي د نړیوال بانګ په مالي مرسته او د (UNOPS) برنامې په مدیریت او د ښاروالۍ په تخنیکي مرسته ددې پروژې چاري عملاً مخته ځي.
کندهار ښاروال حسن حاجي صاحب وائي: دخپلو ګرانو ښاریانو د سهولت او ارامتیا په برخه کښي د ښاریانو اساسي لومړیتوبونو ته متوجه دی او بلکي هڅه او کوښښ یې هم دادی چي د خپل کاري پرسونل سره په ګډ کار کولو سره په دې تاریخي او ویاړلي ښار کښي اساسي، ښاري، او بنسټيز نوښتونه رامنځته کوي ترڅو ګران ښاریان راحته سوي وي.
