کندهار ښار کي د سړکانو د پينه کاري کولو پروژې چاري راپيل سوې!
کندهار ښاروالي د ښار په مختلفو ناحيوو کي د ۵۰۰۰ متره مربع سړکانو د پينه کاري کولو پروژې چاري راپيل کړې.
دغه پروژه چي اوس فعلا يې چاري راپيل سوې د ښار په مختلفو ناحيوو کي به هغه سړکان پينه کاري کړي چي د مختلفو عواملو لکبله تخريب سوي وه.
دغه پروژه چي ۵ ميليونه افغانۍ لګښت پر راځي ټولي رغنيزي چاري به يې د دوو مياشتو په موده کي بشپړي سي.
په نوموړې پروژه کي هر ورځ ۳۰ کسانو ته د کار کولو زمینه برابره سوې ده، چي ۵ کسان په مسلکي او ۲۵ کسان په غیری مسلکي ډول په کار کولو بوخت دي.
د کندهار ښاروالۍ ددغه اقدام څخه عامو ښاريانو زياته خوښي وښودل.
