د شپږمي ناحیې شپږم ګذر او اوومي ناحیې د ګذرونو لپاره ټاکني وسوې.
د کندهار ښاروالي لخوا د ټاکل سوي کمیټې غړو نن د شپږمي ناحیې دشپږم ګذر او اوومي ناحیې د نهو ګذرونو لپاره د طرزالعمل سر ه سم د ګذرونو وکیلان وټاکل .
نن چي په همدې موخه کندهار ښاروالي کي ټاکني کېدې د شپږمي ناحیې شپږم ګذرته علي رضا او عبدالحکیم نوماندان ول چي عبدالحکیم د (۲۴۲)تائد رایو (صفایي کتابچو) په درلود لو سره د شپږم ګذر وکالت ته لاره پیدا کړه وروسته د اوومي ناحیې د ګذرونو لپاره ټاکني وسوې چي لومړی ګذر ته صبغت الله او محمد ویس کاندیدان وه محمد ویس د
(۱۴۲) رایو ( صفایي کتابچو) په درلودلو سره د لومړی ګذر وکالت ته لاره پیدا کړه ، دوهم ګذر ته محمد عمر جان صوفوال نوماند و چي سیال یې نه درلودی د (۷۹)تائد رایو (صفایي کتابچو) په درلودلو سره یې د دوهم ګذر وکالت ته لاره پیدا کړه ، دریم ګذر ته ملا نور احمد اخوند کاندید و چي د (۷۱)تائد رایو (صفایي کتابچو) په درلودلو سره یې د دریم ګذر وکالت ته لاره پیدا کړه، څلورم ګذرته حبیب الله نوماند و چي د (۵۴)رایو ( صفایي کتابچو) په درلودلو سره یې څلورم ګذر وکالت ته لاره پیدا کړه ،شپږم ګذر ته فیض الحق او روح الله نوماندان وه چي روح الله وکولای سوای د (۱۰۳)رایو (صفایي کتابچو ) په درلودلو سره د شپږم ګذر وکالت وګټي ،اووم ګذرته محمد عمر نوماند و چي د (۲۶۰)رایو په درلودلو سره یې د اووم ګذر وکالت وکیل سو ،اتم ګذرته حاجي عبدالغفور نوماند و چي د (۱۰۳)رایو (صفایي کتابچو) په درلودلو سر ه یې وکولای سوای د اتم ګذر وکالت وګټي او نهم ګذر ته سید حزب الله نوماند وچي د (۶۲)رایو (صفایي کتابچو) په درلودلو سره یې د نهم ګذر وکالت ته لاره پیداکړه او بریالی اعلان سو .
وروسته دکندهار ښاروالي دښاري حکومتولي رئیس او د کمیټې غړو نوي وکیلانوته دمبارکي ویلو ترڅنګ دښاریانو اوښاروالي ترمنځ دښې همږغۍ د راوستلو په برخه کي لازمي سپارښتني وکړې او دښاروالي په پرمختیایي او روانو چارو کښي یې دښاریانو همکاري اړینه وبلل .
