کندهار ښاروالۍ
خبرتيا!
د کندهار ښاروالۍ د مارکیټونو تنظیم عمومي مدیریت له لوري ټولو ریړۍ چلونکو ته خبر ورکول کیږي چي له دې وروسته خپلي ریړیاني د ټاکل سوي اندازې مطابق چي دوه متره په یو نیم متره کي ده منظمي او تنظیم کړي.
له دې خبرتیا وروسته هیچا ته اجازه نه ورکول کیږي چي خپلي ریړۍ پر عامه لارو، سړکانو او د تګ راتګ پر مسیرونو و درول سي او یا د ښاري بې نظمۍ سبب وګرځي.
همدرانګه هغه دوکانداران چي عامه پیادهروونه ئې د خلکو پر مخ بند کړي او د تګ راتګ مخه ئې نیولې ده، د دې خبرتیا له خپرېدو وروسته که بیا هم عامه پیادهروونه د خلکو پر مخ بند کړي، د اړوندو اصولو او مقرراتو له مخي به ورسره قانوني چلند وسي او دوکان به ئې سمدستي وتړل سي.
یادونه: له ټولو ریړۍچلوونکو او دوکاندارانو څخه غوښتنه کیږي چي د دې خبرتیا محتوا په جدي توګه رعایت کړي او د عامه لارو او پیادهروونو د نظم او پاکوالي په ساتلو کي له ښاروالۍ سره همکاري وکړي.
په درنښت
دکندهار ښاروالۍ مطبوعاتي دفتر
