کندهار ښاروالۍ د سپیانو دلمنځه وړلو درې ورځنۍ کمپاین پای ته ورسوﺉ!
د کندهار ښاروالۍ ورورسته له هغه د سپیانو کمپاین راپیل کړ چي په ښار کښي د لیونیو او کوڅه ډبه سپیو څخه ښاریانو شکایت کاوه او په زیاته اندازه سپیان یي ووژل.
کندهار ښاروالۍ درې شپې هره شپه دسپیانو د لمنځه وړلو په موخه پوره کمپاین تر سره کاوه او تر ٢٨٦ زیات سپي یې ووژل .
همداراز کندهار ښاروالۍ د سپیانو د لمنځه وړلو په درې ورځني کمپاین کښي د کندهار ښار څلور بازارونه ،نوراني مینه،عینومینه،غازي پارک، باقي کالوني،دپسو ګنج،حاجي عزیز ،لویه ویاله،چوڼی ،عمومي جاده او همداراز نورو ځایونه په یاد کمپاین کښي تر پوښښ لاندي راوستل سوه.
کندهار ښاروالي په راتلونکو ورځو کښي بیا هم پلان لري چي دښار هغه ځایونه چي له کمپاین څخه پاته وي هغه هم تر پوښښ لاندي راولي.
کندهار ښاروالي ستاسو ګرانو ښاریانو خدمت ته پوره ژمنه ده.
