د کندهار ښار په دريمه ناحيه، دريم ګذر کښي د فقير بابا د کوڅې د کانګريټ کولو کار بشپړ سو!
شنبه ۲۲ / ۴ / ۱۴۰۲ ه ش کال
کندهار ښاروالۍ د خپلو انکشافي هڅو په جریان کښي د کندهار ښار په دریمه ناحیه، دریم ګذر کښي د (۸۰۰ ) متره په اوږدوالي او ( ۵ ) متره په بردوالي سره د فقیر بابا دکوڅې د کانګریټ کولو او ورسره په څنګ کښي د ویالې سنک کاري په اساسي او بنسټیزه توګه و رغول سوه.
دا پرمختیا او انکشافي پروژه چي تمویل ئې د نړیوال بانک لخوا او د تطبیق چاري دملګرو ملتونو د پروژو دخدمتونو دفتر یا UNOPS له خوا د (۲) میاشتو په حدودو کښي په معیاري او اساسي ډول ترسره سوې او د درنو ښاريانو لپاره د ګټي اخيستني لپاره پرانيستل سوه.
په نوموړې پروژه کښي (۱۲۰ ) کسانو ته د کار زمينه برابره سوې وه .
د یادوني وړ ده چي د همدې سیمي اوسېدونکو د یادي کوڅې د کانګریټ کولو او د ویالې د سنګ کاري کولو څخه زیاته خوښي و ښودل او د کندهار ښاروالۍ د مسؤلینو څخه ئې زیاته مننه وکړل
