کندهار ښاروالۍ په دريمه ناحيه، ۷ ګذر کښي د څلورو کوڅو د اساسي رغووني چاري راپيل کړي دي!
دو شنبه ۲ / ۱۱ / ۱۴۰۲ ه ش کال
کندهار ښاروالۍ د خپلو پراخو انکشافي فعالېتونو په لړ کښي داځل د ښار په ۳ ناحیه، ۷ ګذر کښي د شهید کوڅې ته څيرمه د یوې عمومي کوڅې او چریو په شمول د ۳ فرعي کوڅو د کانګريټ کولو چاري راپيل کړي دي.
یادي کوڅې چي ۴۵۰ متره اوږدوالۍ او ۷،۵ متره بردوالۍ لري او ترڅنګ ۳۸۵ متره چرۍ اوسلبونه هم په کښي شامل دي په اساسي توګه رغول کيږي.
ددې انکشافي پروژې ټولي رغنیزي چاري یوه نیمه میاشت مخکي شروع سوي دي او پاته کارونه به ئې د څلور ورځو په موده کښي بشپړسي .
په یاده پروژه کښي هره ورځ ۲۰ کسانو ته د کار کولو زمینه برابره سوې ده، چي ۵ کسان په مسلکي توګه او ۱۵ کسان په غیري مسلکي توګه کار کوي.
د یادوني وړ ده، چي پر نوموړې پروژه باندي ۳،۵ میلیونه افغانۍ لګښت راغلئ دی چي د کندهار ښاروالۍ د انکشافي بوديجې څخه ورکول کيږي.
د يادي پروژې په عملي کولو سره د همدې سيمي خلګو زياته خوښي وښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ د ويب سايټ مديريت
