د کندهار ښار په پنځلسمه ناحيه کي د زابر غاړي سړک محافظتي ديوال رغول کيږي
کندهار ښاروالي د ښار په پنځلسمه ناحيه، ميانجوی سيمه کي څه موده مخکي د زابرغاړي سړک په اساسي ډول ورغوي، اوس فعلا يې د ياد سړک د حفاظت په موخه د سړک او زابر ترمنځ د محافظتي دېوال د اساسي رغولو چاري پيل کړي دي.
ياد سړک او دېوال دوه نيم کيلومتره اوږدوالی لري چي د يونيم متر په جګوالي سره په اساسي او معياري شکل رغول کيږي.
د ذکر سوي دېوال د رغولو چاري درې هفتې مخکي پيل سوي دي، تر دې مهاله يې ۵۰ سلنه چاري مخته تللي دي او پاته کارونه به يې د يوې مياشتي څخه په کمه موده کي بشپړسي.
په ياده پروژه کي هره ورځ ۵۰ کسانوته په فني او غيري فني ډول د کار کولو زمينه هم برابره سوې ده.
د ياد محافظتي دېوال په رغولو سره به نوموړی سړک له تخريب څخه و ژغورل سي او هم به ذکر سوي زابر ته د نقليه وسايطو د لويدلو مخه نيول سوې وي.
ددې سړک او محافظتي دېوال په رغولو سره د سيمي اوسېدونکو او ددې لاري تلوونکو کسانو زياته خوښي ښودلې او دکندهار ښاروالۍ ددې مهم ګام څخه ئې ځانګړې مننه کړې.
