د ښار په بیلابیلو ناحیو کي د زرغون چاپيريال رامنځ ته کولو هڅي رواني دي!
کندهار ښاروالي د ښاري ښکلا او زرغونو سیمو د پراختیا په موخه په ښار کي د هوا ککړتیا او د مختلفو ساري ناروغیو د مخنیوي په خاطر د زرغون چاپیریال ساتني او پالني چاري په معیاري توګه جریان لري.
د کندهار ښاروالۍ اړوند د سرسبزۍ امريت تل هڅه کوي، چي په ښار کي ښاري ښکلا او سمسورتیا ته وده ورکړي، چي اوس مهال د یاد امريت لخوا د سرسبزۍ د ساتني او روزلو په موخه د مختلفو نهالانو، ګلدانونو او زینتي ګلانو د کرلو، اوبولو او روزلو چاري په دوامداره توګه د یو منظم پلان له مخي جریان لري.
ددې ترڅنګ هغه ساحې چي ښکلا او سمسورتیا ته اړتیا لري؛ د ښاریانو په مرسته به یو په بل پسي په معیاري او اساسي توګه ښکلي او زرغونې سي.
درنو هیوادوالو!
کندهار ښاروالي د ښاري نظم د ټینګښت او د زرغونو ساحو د پراختیا په موخه خپلي هڅي رواني ساتي، ترڅو ښاري ښکلا رامنځته او د ټولو ښاریانو لپاره د هوساینې زمینه برابره سي؛ نو هیله ده، چي د ښار ښکلا او سمسورتیا په برخه کي له کندهارښاروالۍ سره همکاري وکړئ.
