کندهار ښار په شپږمه ناحيه کي د جميل مېني مخته سړک ۸۰ فيصده کارونه مخته تللي دي!
کندهار ښاروالۍ يوه نيمه مياشت مخکي د ښار په شپږمه ناحيه، اول ګذر کي د جميل مېني مخته سړک د رغولو چاري راپيل کړي دي.
دغه سړک چي تقريبا ۳۵۰ متره اوږدوالی، ۷ متره بردوالی او په څنګ کي ۶۰۰ متره چرۍ لري په اساسي ډول يې د رغولو چاري راپيل سوي دي.
د ياد سړک تر دې مهاله ۸۰ فيصده کارونه مخته تللي دي او پاته کارونه به د ۱۵ ورځو په موده کي بشپړ سي.
په ياده پروژه کي هره ورځ ۸۵ کسانو ته دکار کولو زمينه برابره سوې ده چي ۹ کسان په مسلکي ډول او ۷۶ کسان په غيري مسلکي ډول کار کوي.
د همدې سړک په رغولو سره د سيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
