کندهار ښاروالي د ښار په لویو مدارسو او مکاتبو کي د تمثیلي ښاروالیو دکمېټو جوړولو تطبیقي چاري جریان لري.
کندهار ښاروالۍ د معارف ریاست سره د هوکړه لیک له مخي، دټولنیزو او فرهنګي چارو آمریت له لوري داځل په اوومه او دولسمه ناحیه کي د تمثیلي ښاروالیو د جوړولو کمېټې د افتتاح مراسم له دوو مدارسو، نورالمدارس او دارالعلوم حقانیه څخه پیل کړل، په دې مراسيمو کي د یادو مدارسو زده کوونکو ته لاندي وسایل ووېشل سول:
• یوه دانه لاسي ګاډۍ
• څلور بېلچې
• دوې دانې کثافت دانۍ
• لس دانې جاروګان
• یو دانه کولنګ
یاد وسایل د دې لپاره توزیع سول چي د یادو مدارسو زده کوونکي ئې د ښار پاک ساتلو په اړه د عامه پوهاوي د خپرولو لپاره وکاروي او خپلو هیوادوالو ته د ښار پاکوالی اهمیت ورسوي.
د تمثیلي ښاروالیو دکمېټو د جوړولو اساسي موخه داده، چي ښاروالۍ وکولای سي، د مکاتبو او مدارسوله لاري د زده کوونکو او ښوونکو په مرسته د ښاروالۍ او ښاریانو ترمنځ د باور او اعتماد فضاء رامنځته کړي. همدارنګه ددې برنامې له لاري د ښاري کلتور د خپرولو، پراختیا او عامه پوهاوي په برخه کي زده کوونکو او ښوونکو ته اړین معلومات وړاندي سي.
د یادوني وړ ده، چي تر دې وړاندي هم د ښار په یو شمېر لویو مکاتبو او مدارسو کي د ښاروالۍ کمېټې جوړي سوي وې اود عامه پوهاوي په برخه کي ئې مهمه ونډه درلوده. دغه برنامه به په راتلونکي کي هم دوام وکړي، ترڅو د ښاري کلتور په پراختیا کي لا زیاتي لاسته راوړني ترلاسه سي.
