د کندهار ښار په اوومه ناحيه، پنځم ګذر کي د يوې کوڅې د اساسي رغوني چاري پیل سوي دي!
کندهار ښاروالۍ د خپلو انکشافي فعالیتونو په لړ کي داځل د ښار په اوومه ناحيه، پنځم ګذر کي د يوې کوڅې د اساسي رغوني چاري پیل کړي دي.
یاده کوڅه چي اوس مهال ئې د کیندن کارۍ چاري رواني دي، شاوخوا ۵۳۰ متره اوږدوالۍ لري او ساحې ته په کتو سره مختلف عرضونه لري. رغنیزي چاري ئې ۲۰ ورځي مخکي پیل سوي دي او پاته کارونه به يې د ۳ میاشتو په موده کي بشپړ سي.
د دې کوڅې د رغولو ترڅنګ، د ۶۳ مترو په اوږدوالي سره د چرۍ جوړول هم په اساسي ډول په پلان کي شامل دي.
په دې انکشافي پروژه کي هره ورځ ۶۲ کسانو ته د کار کولو زمينه برابره سوې ده.
د همدې کوڅې په جوړولو سره د سيمي خلګو زياته خوښي وښودل او د کندهار ښاروالۍ له دې مهم اقدام څخه ئې ځانګړې مننه وکړل.
