د کندهار ښار په ديارلسمه ناحيه کي ديو کانال او سړک د رغولو کار جريان لري
کندهار ښاروالي د ښار په ديارلسمه ناحيه، دريم ګذر، د ميرزا احمد خان په کلاچه کي د يو کانال او سړک د رغولو چاري راپيل کړي دي.
کانال تقريبا ۳۳۷ متره اوږدوالی، دوه نيم متره بردوالی او دوه متره جګوالی لري. او سړک تقريبا ۱۳۹ متره اوږدوالی، څلور متره بردوالی او په څنګ کي ۱۳۹ متره چرۍ هم په اساسي ډول رغول کيږي.
دغه پروژه چي يوه مياشت مخکي يې د رغولو چاري راپيل سوي دي تر دې مهاله يې ۳۵ فيصده کارونه مخته تللي دي او پاته کارونه به يې د درو مياشتو په موده کي بشپړسي.
په ياده پروژه کي هره ورځ ۱۱۷ کسانوته دکار کولو زمينه برابره سوې ده چي ۲۲ کسان په مسلکي ډول او ۹۵ کسان په غيري مسلکي ډول کار کوي.
د همدې پروژې په تطبيق کولو سره دسيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
