ښاروالي یوه تصدي ده خپل امکانات د ښاریانو له عوایدو پوره کوي .
د کندهار ښاروالي له لوري د نهمي او دولسمي ناحیو اوسېدونکوته د شفافیت او حساب ورکوني غونډه جوړه سوه.
یاده غونډه چي د نهمي او دولسمي ناحیې د غونډو په تالار کي جوړه سوه د کندهار ښاروالي د نهمي او دولسمي ناحیو د امرینو ترڅنګ د شفافیت او حساب ورکوني مدیر او تر څنګ یي د نهمي او دولسمي ناحیو د ګذرونو وکیلانو،مشورتي بورډ غړو او ځوانانو ګډون کړي و.
پر مهال یې غونډي ته د دولسمي ناحیې امر پرانیستونکې وینا وکړه هغه د ښاروالي او خلګو پر دوامداره همکاري بحث وکړ هغه د ښاروالي په چارو کي دخلګو همکاري ډیره اړینه وبلل وروسته د شفافیت او حساب ورکوني مدیر سیدمحمد ګل اغا د نهمي او دولسمي ناحیو څخه پر راټول سوي عوایدو،خدماتو،مصارفاتو او نورو برخوکي د یادو ناحیو خلګوته معلومات وکړه د ښاغلي سید محمد ګل اغا په وینا کندهار ښاروالي مقام به د هري ناحیې او سېدونکو ته هممهاله ددوی څخه د راټول سوي عوایدو او خدماتو حساب ورکوي ولي د ښاروالي په روانو چارو کښي یي د خلګو همکاري وغوښتل هغه وویل ښاروالي یوه تصدي ده خپلي چاري د ښاریانو له عوایدو پوره کوي نو د دې لپاره چی ښه چاري مخته تللي وي باید خلګ پروخت د ښاروالي ټکسونه تحویل کړي وروسته دمجلس پر مهال ازاد بحث رامنځته سو او په اړه مربوطه مسؤلینو د خلګو پوښتنو ته جوابونه وویل .
