کندهار ښاروالۍ په نهمه ناحيه، دولسم ګذر کي د درو کوڅو د رغولو چاري راپيل کړي دي!
کندهار ښاروالۍ د خپلو پراخو او انکشافي کارونو په لړ کي دا ځل د نهمي ناحیې اړوند په دولسم ګذر کي د یوې چرۍ په شمول د دروو کوڅو د کانګریټ کولو چاري په اساسي او معیاري توګه راپیل کړي دي.
د ټاکل سوي او منظم پلان مطابق په یاده پروژه کي د یوې کوڅې د کیندل کارۍ ترڅنګ اوس مهال د دوو کوڅو د کانګریټ کولو چاري په ښه توګه جریان لري.
په دغه پروژه کي ۳ کوڅې او یوه چرۍ هم شامله ده، چي په ټولیزه توګه ۵۸۰ متره اوږدوالۍ لري او ساحو ته په کتو د مختلفو عرضونو سره په اساسې توګه کانکریټ کېږي.
همدارنګه ددې کوڅو رغنیزي چاري یوه میاشت مخکي راپيل سوي او پاته کارونه به ئې د درو مياشتو په موده کي بشپړ او ګټي اخیستني ته وسپارل سي.
په دغه انکشافي پروژه کي اوس مهال ۱۷۵ کسانو ته د کار کولو زمينه برابره سوې ده چي ۲۰ کسان په مسلکي ډول او ۱۵۵ کسان په غيري مسلکي ډول کار کوي.
د همدغه کوڅو په رغولو سره د همدې سیمي خلګو زياته خوښي وښودل او له کندهار ښاروالۍ څخه ئې ځانګړې مننه وکړل
په درنښت
د کندهار ښاروالۍ
د ويب سايټ مديريت
