د کندهار ښاروالۍ نوي مامورینو ته د ظرفیت لوړوني ورکشاف جوړ کړ!
د کندهار ښاروالۍ د ښاري حکومتولۍ رئیس حاجي تحویلدار صاحب، پر داسي مهال چي د ښاري حکومتولۍ امر، د ښاروالۍ د بشري منابع مدیریت مدیرانو او د ښاروالۍ نوي مامورینو ګډون کړئ وو په یاد ظرفیت لوړوني پروګرام کښي پر ډيرو مهمو او اساسي برخو خبري وسوې.
لومړی د ښاري حکومتولۍ رئیس حاجي تحویلدار صاحب د غونډي ګډونوالو ته ښه راغلاست ووایه وروسته یې نوي مامورینو ته وویل:کوښښ وکړئ د دې ډول ورکشافونو څخه اداري مهارتونه زده کړئ، کاري وړتیاوي پیاوړي کړئ، اداري نوښتونه رامنځته کړئ، او په چارو او کارونو کښي یو دبل اوږه واوسئ وروسته د کندهار ښاروالۍ د ښاري حکومتولۍ ریاست په استازیتوب موسی جان زاهد په تفصیلي توګه سره ئې د تقنیني سندونو، قوانینو، مقرراتو او هم یې د ملکي خدمتونو، اداري او اجرائیوي فعالیتونو، اداري مهارتونو، اصطلاحګانو، د ملکي او قراردادي کارکوونکو پر کاري فعالیت خبري وکړې او پروسه یې په ښه توګه سره تشریح کړه، ښاغلي زاهد وویل: د کاري او تدابیري پلان، وظیفوي لایحې پیژندل، دفتري اصول، مکتوب، استعلام او پیشنهاد پیژندنه هغه څه دي چي په اداري مهارتونو کښي د مامور سره ډيره مرسته کولائ سي په کاري برخه کښي، همدارنګه ښاغلي زاهد د اداري مکلفیتونو، حقوقي او اداري امتیازونو ، سلسله مراتب او نورو اداري برخو طرحه او کاري اصول په ښه واضح توګه سره د مجلس ګډونوالو ته د یاد ورکشاف پرمهال بیان کړه.
وروسته د کندهار ښاروالۍ د بشري منابع مدیر عبدالله خان عزيزي په مفصل ډول سره په عملي او تجریبوي توګه سره د اداري اصولو، مقرراتو، وظفیوي مسؤلیتونو، رسمي اسنادو، پلان او کاري راپورونو جوړولو په عرصه کښي په مفصل ډول سره خبري وکړې او کاري پروسه یې تشریح کړه، همدا ډول د کندهار ښاروالۍ د ارتقاء ظرفیت مدیر محب الله حبیبي د خپلو خبرو پر مهال د یاد ورکشاف ګډونوالو ته وویل: هڅه او کوښښ یې دادی چی راتلوونکي کښي به نور هم دغسي ګټور او مهم ورکشافونه د مامورینو د کاري سطحي لوړولو په مورد جوړ کړي ترڅو د ملکي خدمتونو ټول اصولو او مقرراتو سره مامورین بلد سوي وي.
د مجلس په وروستۍ برخه کښي د ګډونوالو ټولو سوالونو ته د اړوندو مسؤلینو لخوا جوابونه وویل سول.
