کندهار ښاروالي د هېواد ۱۰۱ کلیزي لمانځني ته پراخه اماده ګي لري
کندهار ښاروال انجنیر محمد رفیع حیات پر داسي مهال چي د ښاروالي مرستیال حاجي محمد نسیم رضایي، د عوایدو محاسبې او اداري چارو رئیس، د ښاري حکومتولۍ رئیس او د ناحیو آمرینو ګډون کړی وو مجلس وکړ.
په ننني مجلس کښي کندهار ښاروال انجنیر محمد رفیع حیات وویل د ګران هیواد د خپلواکۍ ورځ چي د اسد د میاشتی ۲۸ نېټه ده باید په کندهار ښار کي په ښو ملي مراسیمو تجلیل سي.
کندهار ښاروال ددې ورځي د ښه لمانځلو لپاره د مجلس غړو ته لازمي سپارښتني وکړې تر څو د خلګو سره په تفاهم د ښار په ټولو ناحیو کي ملي بیرغونه ځوړند سي، په ښار کي پر لوړ منزله مارکېټونو باندي ملي بیرغونه ځوړند سي او د کندهار ښاریانو سره په ګډه باید دا ملي ورځ په ښه شانداره مراسیمو سره ولمانځل سي.
کندهار ښاروال د مجلس له غړو وغوښتل چي که څه هم کندهار ښاروالي تر خپله وسه کوښښ کړی چي کندهار ښار په ملي بیرغونه لکه مخکي چي یې ځوړند کړي وه نور هم ځوړند کړي، ښاروال زیاته کړه د مجلس د غړو او عامو ښاریانو تر منځ د دې ورځي د ښې لمانځني په منظور باید ګډ کار وسي.
د غونډي په پای کندهار ښاروال د ټولو ناحیو آمرینو ته دنده وسپارل چي پخپلو ناحیو کي دي د ناحیې د اوسېدونکو سره د هیواد د خپلواکۍ د ۲۸ نېټې لپاره ښه همږغي رامنځته کړئ تر څو دا ملي ورځ ښه تجلیل سوې وي.
