د پنځمي ناحیې اړوند د حاجي عزیز ساحې د سړک رغنیزي چاري رواني دي .
د غه سړک چي ۹۲۵ متره اوږدوالی او ۱۲ متره عرض لري، د نړیوال بانک له لوري د څه باندي ۲۹ میلیونه افغانیو په لګښت د اوو میاشتو په موده کي جوړېږي..
د یادي پروژې د تطبیق پر مهال نږدې درې زره مسلکي او غیر مسلکي کسانو ته د کار زمینه برابرېږي.
ددې سړک په امتداد ۹ سنګاري پلچکان د ۲ متره په طول او ۲ متره په عرض جوړیږي همدا رنګه د ۱۸۴۵متره په اندازه دوه طرفه چرۍ ددې سړک په امتداد جوړه سوې ده.
.
کومي پروژې چي په اساسي توګه رواني دي وخت پر وخت یې د کندهار ښاروالي ساختماني ټېمونه نظارت کوي .
دا ځکه کندهار ښاروالي د ښار د پنځلسوناحیو اوسېدونکو ته متوازنه پراختیا، بنسټیز معیاري خدمات عرضه کوي ولي پر کندهار ښاریانو ږغ کوي چي خپل د صفایي او محصولاتو د ټکسونو په تحویل سره دي د ښاروالي په پرمختیایي او رغنیزه برخه کي نوره هم پياوړتیا راولي ، دا ځکه چي ښاروالي یوه تصدي ده، خپل ټول امکانات او رواني پر مختیایي چاري، د ښار د پاکوالي او سرسبزي چاري د ښاریانو له عوایدو پوره کوي.
