د کندهار ښاروالۍ خبرتیا!
د کندهار ښاروالۍ اړوند د مارکېټونو د تنظیم آمریت له لوري د ښار پنځلسو ناحیو ټول هغو قصابانو، نانوایانو، کلچه فروشانو، خیاطانو، لبنیات فروشانو او ټولو هغو اصنافو ته چي د ښاروالۍ له خوا ورته تعین سوې نرخ نامه توضیح سوې ده، په جدي توګه خبر ورکول کیږي، چي د روژې په مبارکه میاشت کي خپل د اجناسو فروشات د تعین سوي نرخ نامې مطابق ترسره کړي، د سرغړوني په صورت کي د کندهار ښاروالۍ له خوا ورسره شرعي او قانوني چلند کیږي او ترڅنګ به ئې دوکان بندیږي او متخلیفین به هم د ښاري نظم کمېسیون له لوري و اړوند قضائي ارګانونو ته معرفي کيږي.
او همدارنګه د ټولو اصنافو وکیلانو څخه هیله کیږي، چي د نرخونو په کنټرول کي د ایماني او وجداني احساس له مخي له کندهار ښاروالۍ سره پوره همکاري وکړي او ترڅنګ اړینه ده چي، ټول پلورونکي او سوداګر د ښاریانو د اړتیا وړ توکو د پلورلو پر مهال انصاف په پام کي ونیسي، ترڅو په دې کړني سره پر خپل مظلوم ولس باندي ترحم او شفقت کړئ وي.
یادونه: د ټولو هیوادوالو څخه هم غوښتنه کیږي، چي د تعین سوي نرخ نامې مطابق اجناس رانیسي اوکه څوک د نرخ نامې څخه پر تخلف وویني؛ نو د مهربانۍ له مخي دي د لاندي شمیرو سره اړیکه ونیسي، ترڅو شکایت ته مو ډیر ژر رسیدګي وسي.
د اړیکو شمېرې:
۰۷۰۲۲۳۳۱۷۰
۰۷۰۰۷۴۹۳۹۴
۰۷۰۰۹۰۴۰۹۴
۰۷۰۳۵۰۰۹۲۵
