د کندهار ښار په ( ۸ ) ناحيه کښي د کانال جوړولو چاري جريان لري!
کندهار ښاروالۍ دخپلو روانو پرمختیايي کارونو په لړۍ کښي داځل د کندهار ښار په اتمه (۸) ناحیه کښي د میرویس حوزوي روغتون لویدیځ خواته د (۷۲۵) متره په اوږدوالي، د (۲) متره او (۷۰) سانتي په بردوالي او د (۲) متره او (۲۰) سانتي په ژوروالي سره د یوه کانال د جوړېدو چاري په اساسي او معیاري توګه شروع کړي دي.
دا پرمختیايي او انکشافي پروژه چي د کندهار ښاروالۍ تر نظارت لاندي جريان لري، تمویل ئې د نړیوال بانک له خوا او د تطبیق چاري ئې د یو این هبیتات (UN Habitat) نړیوالي ادارې په مرسته د پنځو میاشتو په حدودو کښي سرته رسیږي.
ددې پروژې د پیلېدو سره سم زیات کسانو ته د کارکولو زمینه هم برابره سوې ده او تر دې مهاله پوري ئې (۶۰) فیصده رغنیزي چاري مخته تللي دي.
