د کندهار ښاروالي
کندهار ښاروالۍ په ۱۲ ناحيه کي د عامه لارو د خلاصون په موخه نظارت ترسره کړی
سې شنبه ۷ / ۷ / ۱۴۰۵ ه ش کال
د کندهار ښاروالۍ د مارکیټونو تنظیم عمومي مدیریت له لوري، د عامه لارو د خلاصون او ښاري نظم د ټینګښت په موخه په دولسمه ناحیه کي هغه په خپلسر ایښودل سوي کوکې راټولي او ضبط سوې چي د عامه لارو د بندېدو او ښاري بېنظمۍ لامل سوي وې.
همدارنګه مسؤلینو اړوندو کسانو ته سپارښتنه وکړه چي د عامه لارو د خلاصون او ښاري نظم د ساتني په موخه له خپلسرو کړنو ډډه وکړي او ټینګار وسو چي له سرغړونکو سره به د قانون او اصولو له مخي چلند وسي.
په درنښت
د کندهار ښاروالۍ مطبوعاتي دفتر
