د کندهار ښاروالۍ خبرتیا!
د کندهار ښاروالۍ د دریمي ناحیې اړوند (7) ګذر د پنځمي ناحیې اړوند (8) ګذر د اوومي ناحیې اړوند (10,11) ګذرونه, د نهمي ناحیې اړوند (4,7,8,9) ګذرونه, د یوولسمي ناحیې اړوند (3,5) ګذرونه, د دوولسمي ناحیې اړوند (6) ګذر او د دریالسمي ناحيې اړوند (9) ګذر متنفذینو، علماوو، مشرانو، ځوانانو او اوسېدونکو ته خبر ورکول کیږي، چي د خپلو ناحیو اړوند د پورته ذکر سوو خالي ګذرونو له پاره د شرایطو په نظر کي نیولو سره 1401/12/2 څخه تر 1401/12/7 نیټي پوري خپل ځانونه نوماند کړي.
د ګذر وکیل د کاندېدو شرایط:
- د افغانستان تابعیت ولري.
- عمر ئې له ۲۵ کلنۍ څخه پورته وي.
- د دولسم ټولګۍ د فراغت اسناد باید ولري (( او یا هم د هغه معادل د اسلامي علومو سند وي.))
- د درو کلونو له پاره په اړونده ګذر کي استوګنه ولري.
- په اړونده ګذر کي غیري منقول ملکیت ولري.
- د نیک شهرت لرونکئ او د عدلي او قضائي ارګانو لخوا تر تعقیب لاندي نه وي.
- د بشپړي جسمي او روحي روغتیا درلودونکئ وي.
لاندي کسان نه سي کولائ د ګذر د وکالت له پاره ځان کاندید کړي:
- په هغه صورت کي چي د دولت رسمي کارمند وي.
- هغه شخص چي د خلګو د نارضایتۍ په وجه د ګذر دوکالت څخه عزل کړل سوئ وي.
- په هغه صورت کي چي د اداري فساد په جرم محکوم وي.
- په هغه صورت کي چي د محکمې له لوري د مدني حقوقو په محرومیت محکوم سوئ وي.
یادونه: د ثبت نام په وخت کي باید تعلیمي اصلي اسناد، اصلي تذکره او د کور د صفائې کتابچه د ځان سره ولري.
د ثبت نام ځای: کندهار ښاروالۍ، د ښاري حکومتولۍ ریاست، د ګذرونو د تنظیم او همږغۍ مدیریت.
