د کندهار ښار په اوله ناحيه، دریم ګذر کي د پیاده رو د جوړوني چاري ۷۰ سلنه بشپړي سوي دي
کندهار ښاروالۍ دخپلو پراخو انکشافي فعالیتونو په دوام، د ښار د اولي ناحیې، دریم ګذر اړوند د کابل شاه په سیمه کي د سړک دواړو خواوو ته د یو پیاده رو د رغولو چاري پیل کړي دي.
یاد پیاده رو شاوخوا ۴۱۲ متره اوږدوالی لري او ۴ متره پلنوالي لري. رغنیزي چاري ئې تقریباً دوې میاشتي مخکي پیل سوي دي او پاته کارونه به ئې د یوې میاشتي په موده کي بشپړ سي.
ددې انکشافي پروژې له امله هره ورځ ۱۱۱ کسانو ته دکار کولو زمينه برابره سوې ده چي ۱۰۰ تنه ئې په غیري مسلکي او ۱۱ تنه ئې په مسلکي ډول په کار کولو بوخت دي.
د یادوني وړ ده، چي په همدې ګذر کي څه موده وړاندي یوه کوڅه هم چي ۱۳۵ متره اوږدوالي او ۵ متره پلنوالي ئې درلود، په اساسي ډول ورغول سوه او ګټي اخیستني ته وسپارل سوه.
د یاد پیاده روو او کوڅې له جوړېدو سره د سيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
