د کندهار ښار په شپږمه ناحيه، دوهم ګذر کي د يو مهم سړک قيريزي کولو چاري پيل سوې
کندهار ښاروالۍ د خپلو انکشافي کارونو په دوام داځل دښار په ۶ ناحيه، ۲ ګذر کي پلانو ته څيرمه د يو مهم سړک د قيريزي کولو چاري پيل کړې.
دا سړک چي د ده محسوس له عمومي سړک څخه شروع کيږي بيا تر نوي کلاچې پوري غځيدلی دي، تقريبا ۶۳۰ متره اوږدوالی او ۷ متره پلنوالی لري، يوه مياشت مخکي يې رغنيزي چاري پيل سوي دي او اوس فعلا يې د قيريزي کولو چاري پيل سوې چي ډير ژر به بشپړي سي او ياد سړک به ګټي اخيستني ته وسپارل سي.
د دې سړک په رغولو کي هره ورځ ۲۵ کسان په فني او غيري فني ډول په کار کولو بوخت دي.
د همدې مهم سړک په رغولو سره د سيمي خلګو زياته خوښي وښودل او دکندهار ښاروالۍ ددې مهم ګام څخه ئې ځانګړې مننه وکړل.
