د کندهار ښار په شپږمه ناحيه کي د ده محسوس سړک رغنيز کارونه جريان لري
کندهار ښاروالۍ د خپلو پراخو انکشافي کارونو په لړۍ کي دا ځل د ښار په شپږمه ناحيه کي د ده محسوس سړک د اساسي رغولو چاري راپيل کړي دي.
دغه سړک چي د سټډيوم جنوب لويديځ طرف ته د غازي ميني څخه شروع بيا د بازارچې ترسړک پوري غځيدلى دي تقريبا دوه کيلومتره اوږدوالى او ٨ متره بردوالى لري.
د ياد سړک د رغولو چاري تقريبا يوه مياشت مخکي راپيل سوي دي چي تردې مهاله يې 50 فيصده کارونه مخته تللي دي او پاته کارونه به يې ډېر ژر بشپړسي.
په دغه رغنيزه پروژه کي هره ورځ ١٦ کسانو ته په مسلکي او غيري مسلکي ډول د کار کولو زمينه برابره سوې ده.
د همدې سړک په رغولو سره د سيمي اوسېدونکو او ددې لاري تلونکو کسانو زياته خوښي وښودل او دکندهار ښاروالۍ څخه ٸې ځانګړې مننه وکړل.
په درنښت
د کندهار ښاروالۍ د ويب سايټ مديريت
