د کندهار ښار په څوارلسمه ناحيه کي د پياده روونو د خلاصون په موخه نظارت ترسره سو!
د کندهار ښاروالۍ اړوند د مارکېټونو تنظیم آمریت، د څوارلسمي ناحیې آمریت او د ښاري نظم ګډ کمېسیون په ګډه همکاري د څو ځلي خبر ورکولو وروسته په یاده ناحیه کي د هغو عامه لارو او پیاده روونو د خلاصون کمپاين ترسره کړئ کوم چي د عامو ښاريانو پر مخ ئې لاري او پياده روونه بند کړي وه.
په ورته مهال کي د مارکېټونو تنظیم آمریت له لوري ټولو رېړۍ چلوونکو او دوکاندارانو ته د ښاري نظم راوستلو په موخه لازمي او اړیني سپارښتني هم وسوې؛ ترڅو خپل کاروبار په ټاکل سوي ځايونو کي ترسره کړي او د عامو ښاریانو پر مخ عامه پیاده روونه بند نه کړي، که څوک بیا ځلي ولیدل سي له قانوني چلند سره مخ کیږي بیا حق د شکایت نه لري.
د یادولو وړ ده، چي د مارکېټونو تنظیم آمریت او د ښاري نظم ګډ کمېسیون له لوري به د ښاري بې نظمیو د ختمېدو په موخه د نظارت او څارني چاري په دوامداره توګه ترسره کیږي؛ ترڅو زموږ او ستاسي ښار د پوره نظم څخه برخمن سي.
