کندهار ښاروالۍ د ښار په نهمه ناحيه کي دښاري خبرو اترو مجلس ترسره کړئ
په دې مجلس کي د کندهار ښاروالۍ د مسؤلينو ترڅنګ د نهمي ناحیې آمر، دامر باالمعروف مسؤل، چاپیریال ساتني، بریښنا، ضد حوادث، امنیتي او استخباراتي ریاستونو استازي، د ناحیې متنفذین،ګذر وکیلانو، مشرانو، ځوانان او علماء ګډون کړی وو.
د مجلس پيل د ټولنیزو او فرهنګي چارو د آمر له خوا وسو، چي د ښاري خبرو اترو دمجلسونو پر اهدافو ئې رڼا واچوله. هغه زیاته کړه، چي د دغو مجلسونو له لاري دهري ناحیې اوسېدونکي کولای سي، چي دخپلي ناحیې په اړه ستونزي، غوښتني او وړاندیزونه په مخامخ ډول له مسؤلینو سره شریک کړي.
وروسته د نهمي ناحیې آمر د ترسره سوو او روانو انکشافي چارو، د ناحیې سرسبزۍ، تنظیف او ورځنیو فعالېتونو په اړه معلومات وړاندي کړل.
همدارنګه د امر بالمعروف ریاست استازي د یووالي او اتفاق په اړه خپله وینا له درنو ګډون والو سره شریکه کړل.
ورپسې د مجلس په جریان کي د اړوندو ریاستونو استازو خپل فعالېتونه په تفصیل سره برخه والو ته بیان کړل.
- د ضد حوادثو ریاست استازي د خپل ریاست د لاسته راوړنو په اړه خبرې وکړې.
- د چاپیریال ساتني ریاست استازي د ترسره سوو کړنو او راتلونکو پلانونو په اړه معلومات وړاندي کړل.
- د برېښنا ریاست استازي د برېښنا د خدماتو په اړه، امنیتي او استخباراتي استازو د ناحیې په امنیتي وضعیت او لاسته راوړنو خبري وکړې.
په پای کي ګډونوالو د خپلي ناحیې ستونزي او غوښتني مطرح کړې او خپلي پوښتني ئې د ریاستونو له مسؤلینو او استازو سره شریکي کړې. مسؤلینو د پوښتنو تفصیلي جوابونه ورکړل او د ستونزو د حل ډاډ ئې ورکړ.
