تېره ورځ د کندهار ښاروالۍ او دوراني کرکټ لوبډلو تر منځ شل اوره سیالۍ تر سره سوه!
پنج شنبه ۶ / ۱۱ / ۱۴۰۲ ه ش کال
کندهار ښاروالۍ کرکټ لوبډلي په دوستانه لوبه کښي دوراني کرکټ لوبډلي ته په ( ۱۷ ) منډو ماته ورکړه.
په داسي حال کښي چي ټاس یا ( پچه ) ښاروالۍ لوبډلي وګټل او خپله یې لومړی توپ اچونه پیل کړه .
ښاروالۍ لوبډلي په ټاکلو شلو اورو کښي د ( ۹ ) ویکیټو په زیان سیالي لوبډلي ته ( ۱۵۷ ) منډي هدف وټاکئ.
د ښاروالۍ لوبډلي په توپ وهنه کښي احمد ظاهر " پټان " ( ۴۳ ) جاویداحمد " سلیمانخیل " ( ۳۵ ) او احمدضیاء " ځلاند " (۲۰) ناسوځیدلي منډي ترسره کړې.
او ترڅنګ بیا دوراني کرکټ لوبډلي په ټاکلو شل اوره کښي د ( ۷ ) ویکیټو په زیان ټولي ( ۱۳۹ ) منډي وکړې او لوبه ئې د کندهار ښاروالۍ لوبډلی ته په ( ۱۷ ) منډو وبایلل.
د ښاروالۍ لوبډلي په توپ اچونه کښي شفیع الله ( ۴ ) احمدضیاء " ځلاند " ،حمیدالله " یوسفزي " او عبدالرازق " هوتک " یوه یوه ویکیټه تر لاسه کړه.
د لوبي غوره لوبغاړی د ښاروالۍ لوبډلي څخه شفیع الله وټاکل سوو، چي د خپلي لوبډلي په ګټه ئې ( ۴ ) ویکيټي تر لاسه کړې.
په درنښت
د کندهار ښاروالۍ
د ويب سايټ مديريت
