کندهار ښاروالۍ په اوله ناحيه، څلرم ګذر کي د وچ مانده د سنګ کاري کولو چاري بشپړي کړې!
کندهار ښاروالۍ د خپلو انکشافي کارونو په لړ کي، د ښار د اولي ناحیې اړوند په څلرم ګذر کي د وچ مانده دسنګ کارۍ چاري په اساسي او معیاري ډول پيل کړي وې، چي دا چاري د ۳ میاشتو په موده کي بشپړي سوې.
یاد مانده شاوخوا ۵۰۰ متره اوږدوالی، ۴ متر پلنوالی او ۳،۵ متره جګوالي لري، چي د اضافي اوبو دمنظم تېریدو لپاره جوړ سوی دی. ددې مانده به جوړېدو سره به د سیلابونو، بدبويي او نورو احتمالي پيښو خطرونه راکم سي او د سیمي خلګ به له ګڼو ستونزو څخه خوندي پاته سي.
په دې انکشافي پروژه کي هره ورځ ۹۰ کسانو ته دکار کولو زمينه برابره سوې وه.
د سیمي خلګو ددې رغنیزي پروژې له بشپړېدو وروسته خوښي وښوده او د کندهار ښاروالۍ څخه ئې ځانګړې مننه وکړه.
