کندهار ښاروالۍ په ( ۸ ) ناحيه، اول او دوهم ګذر کښي محلي شوراء دائره کړل!
کندهار ښاروالۍ د عمومي شوراګانو د مجالسو په لړکښي نن دوشنبه په (۸) ناحیه اول او دوهم ګذورنو کښي د محلي شوراګانو د غړو سره مجلسونه ترسره کړل.
په دې مشورتي مجلسونو کښي د نوموړي ناحیې څخه د محلي شوراګانو مسؤلینو، د اول او دوهم ګذورنو وکیلانو، او د سیمو څخه د محل مشرانو، استازو او ځوانانو ګډون کړئ وو.
د کندهار ښاروالۍ د شوراګانو عمومي مدیر عبدالرحمن رحیمي ټولو ګډونوالو ته ښه راغلاست ووایه او مننه ئې ځیني وکړل چي زموږ سره مو په داسي مجالسو کښي برخه اخيستې ده، او ور پسې ئې د محلي شوراګانو د جوړښت پر اهدافو باندي وګډونوالو ته معلومات ورکړل او د داسي محلي شوراګانو موجودیت ئې ځکه ډیر اړین وبلی چي ددې شوراګانو اصلي هدف د دولت او اولس ترمنځ ارتباطات ټینګول او د خلګو پیغام تر دولت پوري او د دولت هدایات تر ولس پوري رسول دي، او ددې ترڅنګ ئې د محلي شوراګانو مسؤلینو، دګذرونو وکیلانو پرمسؤلیتونو او صلاحیتونو باندي هم رڼا واچول.
په یاد مشورتي مجلسونو کښي د یادي ناحیې د محلي شوراګانو لپاره رئیس، معاون، خزانه دار، منشي او د همدې محلي شوراګانو لپاره غړي وټاکل سوه.
د محلي شوراګانو د جوړښت ترڅنګ د ګذر انکشافي شوراء هم رامنځ ته سول او غړي ورته انتخاب سول.
د مجلسونو په پای کښي د۸ ناحیې د محلي شوراګانو مسؤلینو، د اړوندو ګذرونو وکیلانو، اولسي مشرانو، ځوانانو دیادي محلي شوراګانو پر جوړښت خوښي وښودل او دیادي ناحیې سره د چارو او پلانونو د تطبيق په برخه کښي د پوره همکارۍ ډاډ يې ورکړ.
